السلام عليكم ورحمة الله وبركاته
انا من اللي احب يكون بالبيت اشياء تساعدني اسوي لي (سبا منزلي) وقت ما احتاج ..
واحس بشكل عام ضروروي وجود اغراض تساعدج تسوين شي سريع بالبيت لج في ساعة حصلتيها لنفسج بين اشغالج وايد مهمه ،
حلو ان تقدرين تصنعين لج جو خاص فيج ترتاحين فيه وتخصصين ساعه لنفسج تستحقينها،
واحس بشكل عام ضروروي وجود اغراض تساعدج تسوين شي سريع بالبيت لج في ساعة حصلتيها لنفسج بين اشغالج وايد مهمه ،
حلو ان تقدرين تصنعين لج جو خاص فيج ترتاحين فيه وتخصصين ساعه لنفسج تستحقينها،
احيانا ماسك للوجه والشعر .. مع فيلم جميل .. ولا احلى ! (طبعا بس انه اشوف الفيلم محد يشوفني لان وقتها انا الفيلم !)
كل الماسكات الموجودة طبعا استخدامها مرتين اسبوعياَ ..
واستخدمها بحسب احتاجي.. يعني تتنوع من بين ماسك ترطيب .. تغذية .. تنظيف وغيره ..
هاذي مجموعة الماسكات اللي عندي حالياً:
هاذي مجموعة الماسكات اللي عندي حالياً:
هالماسك كنت ماخذه حبه وحده منه من سيفورا وكان مكتوب من ال best selling فقررت اجربه ،
مثل ما قلت انه احب الشي السريع ،
طريقة الماسك يكون قطعه قماشية على شكل قناع وتحطينه مباشره على الوجه، تخلينه 10 دقايق و بعدين مجرد تشيلين الماسك
الزائد الموجود تسوين له مساج .. مثل طريقة وايد ماسكات جاهزة.
الزائد الموجود تسوين له مساج .. مثل طريقة وايد ماسكات جاهزة.
قوامه سيروم يكون ويفضل طبعا تستخدمينه قبل النوم ،
وايد حبيت ملمس بشرتي بعده وخصوصا ثاني يوم الصبح .. اعتبره ماسك تغذية ويحسن من مظهر البشرة..
ولما بحثت عنه حصلت وايد مدح عليه فقررت اشتري العلبة كاملة ..
وصار من المفضلين عندي وشريت منه علبتين بعرض جميل من بوتس (اشتري علبه والثانية مجاناً) ..
العلبة تتكون من 6 حبات .. سعرها حوالي 300 ريال سعودي / 30 دينار بحريني ، سعره مرتفع لما نقارنه بالماسكات الثانية ..
بالنسبة لي يستاهل رقم 1 لان : استخدامه سهل ، سريع ، نتيجته حلوه وبدون اي تعب في ازالته !
طبعا معروفين ماسكات لاش عمرهم قصير (شهر تقريبا من تشترينه وضروري يتم بالثلاجة) وكنت ابي ماسك طبيعي مرطب ومغذي ، بشرتي تنقلب جافه احيانا وطبعا ادور شي جاهز ..
هالماسك ماسك ترطيب..
ريحته شوفان طبعا .. اذا من محبي الشوفان وماعندكم مشكله معاه بتعجبكم الريحه ، انه عندي عاديه ريحته
خلصته في شهر (استخدمته مرتين اسبوعيا) وطريقته تحطينه على بشره نظيفة وتخلينه 20 دقيقة،
يفضل ما تعدون هالوقت الماسك بيجف وبيكون صعب ازالته (من تجربتي خليته 40 دقيقة اندمجت في فيلم وعانيت في ازالته!)
طبعا بما ان فيه شوفان ازالة الماسك بتكون مو وايد سهلة لكن مقبولة بالنسبة لي اذا ما جف وايد،
، الترطيب وايد حلو بعد ما تشيلين الماسك ، وكأن ماسك طبيعي الترطيب يكون مؤقت، ثاني يوم ما احس فيه،
لكن يعطيني احساس ان بشرتي متغذية،
بشتريه مستقبلا مرة اخرى، لكن ابي اجرب ماسكات ثانية من Lush لستتي طويله فيها !
خذيت مجموعة من هالبراند، ومنها الماسك والحمدلله خذت الحجم الكبير!
ماسك تنظيف يناسب جميع انواع البشرة ومكتوب ان يساعد على تصغير حجم المسام،
شخصيا ما اعاني من مشكلة لكن عاجبني انه مصنوع من الطين الوردي ، العنب والقهوة ( يعني ريحته جداً قريبة لقلبي !)
طريقته ايضاً سهلة، تحطين طبقة خفيفة منه على بشرة نظيفة وتخلينه من 5 - 10 دقايق وتغسلينه، لان ماسك طيني بيجف بشكل سريع
النتيجة الويه تحسين بأنتعاش ونظافة وطبعا يحتاج ترطيب بعده.
ممكن استخدمه قبل المكياج اذا كانت مناسبة وعندي وقت كافي،
بالبحرين ، المنتج ما اشوفه بسيفورا، ولكن اظن في سيفورا افرع الخليج موجود،
شخصيا شريته من صيدلية في تركيا معروفة وللأسف ما يحضرني اسمها.
هالبراند بديت اجرب فيها بالعلب الصغيرة ..
اخذت الماسك الاسود المعروف الطيني الاسود .. وماسك الترطيب..
YOUTHMUD Tinglexfoliate Treatment
الماسك الاسود ما ناسب بشترتي وحسسها وشلته على طول.. واظن هو طريقته جذي لكن خفت وما رجعت استخدمه ..
مع ان شفت ريفو ومدح عليه وناسب وايد بنات ..
طريقته تحطينه على بشرة نظيفة وتتركينه بالكثير 20 دقيقة .. وتشيلينه بحركات دائرية مثل السكراب وتغسلينه ..
THIRSTYMUD Hydrating Treatment
ماسك الترطيب (الازرق) عجبني وترطيبه قوي !
طريقته تحطين منه طبقة خفيفه وتتركينه تقريبا بعد 20 دقيقة ..
ممكن تشيلينه وتمسحينه اذا كان استخدامج بالنهار ، وممكن تخلينه وتسوين له مساج اذا كان في الليل وانصح بهالطريقة احسن !
وانتهى البوست الثاني الحمد لله،
With Love,
Mai
ليست هناك تعليقات
إرسال تعليق